Анамарија Голтес, поранешната свршеница на Лука Дончиќ, поднела барање за алиментација за нивните две деца. По ова, и самиот Дончиќ се огласи и порача дека секогаш ќе се бори да биде со своите ќерки.
Барањето било поднесено на почетокот на неделава во Лос Анџелес.
Во документите не е наведена точната причина за барањето, но повеќепати е нагласено дека таа не бара старателство над децата. Лука Дончиќ потврди дека тој и Анамарија раскинале:
„Ги сакам моите ќерки повеќе од сè и правам сè што можам тие да бидат со мене во САД за време на сезоната. За жал, тоа не беше возможно, па неодамна донесов тешка одлука да ја прекинам свршувачката. Сè што правам е за среќата на моите ќерки и секогаш ќе се борам да бидам со нив и да им овозможам најдобар можен живот“.
Поранешниот пар има две ќерки, едната е родена во ноември 2023 година, а другата во декември 2025 година.
Тие се запознале во Хрватска уште како деца, а во врска биле од 2016 година. Се свршиле во 2023 година и настојувале нивната врска да ја држат подалеку од очите на јавноста, па затоа веста за раскинувањето изненади многу нивни фанови.
