Хрватската пејачка Мaja Шупут и овие празници успеа да разнежни илјадници следбеници. На својот Инстаграм-профил таа сподели серија фотографии со синчето Блум, кои зрачат со топлина, смеа и вистинска празнична магија.
Маја и Блум позираат во усогласени божиќни пижами, опкружени со празнични украси и раскошна новогодишна елка, а секој кадар изгледа како сцена од најубавата божиќна разгледница.
Покрај фотографиите, пејачката сподели и емотивна порака која совршено ја доловува атмосферата: „Бадник ееее! Смеата е погласна, прегратките траат подолго, а срцето некако е помирно. Во овие мали моменти, во искрената смеа и блискоста, сфаќаш дека тоа е сè што треба. Љубов. Заедништво. Дом“.
Објавата, очекувано, предизвика лавина позитивни коментари и убави празнични желби од нејзините следбеници.
Малиот Блум веќе е вистинска ѕвезда на социјалните мрежи благодарение на честите и искрени моменти што Маја ги споделува од нивното секојдневие. Освен што ужива во семејната идила и празничната атмосфера дома, Блум ѝ беше и голема поддршка на мајка си во финалето на „Суперталент“, со што уште еднаш го потврди статусот на нејзин најслаток придружник.
Оваа топла семејна приказна доаѓа во период на исклучително динамична година за популарната пејачка. Оваа 2025 година ѝ донесе големи животни промени, меѓу кои и разводот од Ненад Татаринов на почетокот на јуни. Сепак, Маја повторно ја пронајде среќата покрај моделот и ријалити-ѕвезда Шиме Елез, со кого неодамна уживаше на луксузно патување во Дубаи.
