Семејна слика со своите најмили објави поранешната водителка Хелена Роза од Нов Зеланд во новогодишно издание.
Семејството е сликано во летна облека со Дедо Мраз, затоа што во Нов Зеланд сега е лето. На сликата се Хелена, нејзиниот сопруг Игор и синот Тиан. Хелена од првиот брак ја има и ќерката Кјара која е возрасна и не е на сликата.
Неодамна, убави новости беа објавени на социјалните мрежи токму за Кјара Гоља. Имено, таа станала адвокат по стапките на татко ѝ, Арен Гоља, а убавата новост ја објави нејзината баба, Роза Катиновска, мајката на Хелена.
-Мојата адвокатка. И оваа радост ја доживеав–напишала на фејсбук гордата баба. Инаку, Хелена Роза, која десет години живее во Нов Зеланд, се кандидираше за градоначалничка на општината Норт Шор, која е дел од градот Окленд.
Таа е членка на десничарската конзервативно-либерална парија АКТ, чиј лидер е вицепремиерот на Нов Зеланд, Дејвид Сејмур.
