Познатиот битолски комичар сe отвори за тешкото и детство кое го имал, и искрено раскажа за времето кога неговите родители немале многу пари, дури ни за основни потреби.
-Ќе земевме сендвичи, вели: „За тебе и за сестра ти“. И се вртиш и велиш: „А ти мамо, зошто не јадеш?“ Вели: „Не, не ми се јаде мене“. Сега од оваа дистанца сфаќам кој анпор го правеле да се менаџираме со финансии, а притоа ние да имаме слободно, безгрижно и убаво детство- рече во емисијата „Животна приказна“ комичарот Марјан Ѓорѓиевски.
Тој е популарен кај публиката од цела Македонија, дипломиран актер е, магистар по театарска режија, стендап комичар, студент по Психологија.
Инаку, тој е вработен како актер во Народниот театар во Битола и редовно игра во претставите на репертоарот. Глумеше во Тв серијата „Тврдокорни“ (Сава Михајлов) и филмовите „Балканот не е мртов“ (Келнер) и „До балчак“ (Брат).
Активно се занимава со стендап комедија и имал повеќе од 700 настапи низ Македонија).Пишува сценарија за Тв емисии, претстави и книгата „Јас и ти“ во 2020 година.
