За Миа Костова е лето во есен, зашто таа со синот Андрија замина од Македонија, на егзотично и потопло место.
Миа објави неколку слики од неа и од синот од Кипар каде што се на одмор, а потоа и слики со нејзината пријателка Тијана Скулиќ која исто така ужива во Кипар.
Миа, која е позната по својата искреност и отвореност, во една прилика, во интервју за „Слободен печат“ рече:
-Кога некој ќе ме праша: „Што треба да имаш за да имаш инфлуенс на луѓето?“, јас велам: „Чиста искреност“.
Треба да имаш многу време да им се посветиш на сите тие следбеници што имаат прашања и потпрашања за секаков тип производ, процедура или што било.
Јас сум тип човек што не знае да излаже, дури и кога сум за тоа платена. Кога тестирам производ, сакам да го користам производот што го препорачувам, сакам да имам искуство со место кај што сум била поканета, да патувам, го кажувам онака како што е, и мислам дека тоа е една од работите што ме врзува за моите следбеници.
Во последната година, многу чудно, направив толку силна селекција на пријатели, на луѓе што се движат во мојата околина, многу тешко прифаќам да се појавам некаде ако не ми вика така срцето и душата, во моментот, менталната состојба“.
