Печајот и поранешен учесник во музичкиот натпревар „Ѕвезде Гранда“, Немања Вуковиќ (23) почина синоќа во ужасна несреќа кај Добановац, по сообраќајната несреќа која ја имал. Според очевидци, сообраќајката ја преживеал, излегол од автомобилот и тогаш бил прегазен од автобус, а починал на лице место.
Имено, како што открил изворот за српскиТелеграф, Немања изгубил контрола на возилот, веројатно поради крава која му се попречила на патот, и удрил во банкината. Зад него имало две возила и тие се судриле, но тој судир не е директно поврзан со несреќата на Немања. Младиот пејач излегол од автомобилот, за да види што се случило, а преку улицата на автопатот имало полицаец кој му кажал да остане со своето возило, сè додека не ја провери состојбата на возачот, кој се судрил само неколку моменти подоцна.
Иако бил предупреден од полицаецот да остане покрај возилото, Немања се затрчал кон другата страна на автопатот.
Потоа, во следниот момент, според изворот за Телеграф, претрчал преку улицата кога на него налетал автобус и го усмртил.
Инаку, според српските медиуми, несреќното момче на својот Инстаграм профил објавил непосредно пред смртта, односно пред самата несреќа, снимка.
Немања го слушал Џеј и песната „Животе жено без морала“. Стиховите како да ја предвиделе трагедијата: „Милион солзи, а ја еден, додека ја прегрнувам темнината, се прашувам дали животот за тоа е вреден…“ – вели извор за српски Информер.
Немања е од Фоча, се натпреварувал за Ѕвезде Гранда на 18 годишна возраст, а оттогаш кариерата му тргнала во нагорна насока.
