Сега кога се приближува до средината на 50-тите години, Џенифер Анистон изгледа исто толку добро како кога за прв пат се појави во серијата „Пријатели“ пред речиси 30 години. Како ѝ успева да го сочува младешкиот изглед?
View this post on Instagram
Иако има доволно пари да си го дозволи најдоброто кога се во прашање здравјето и убавината, познатата актерка тврди дека се работи за добри навики кои ѝ помагаат да остане здрава.
„Се работи за долговечност. Привилегија е да старееме, но не мора да се разболуваме. Сакам да уживам во годините во кои сум и да не гледам на стареењето како на нешто негативно, туку како на привилегија. Сите старееме“, рече таа.
Актерката зборуваше и за тоа колку добро се чувствува по вежбањето: „Се грижам за моето тело, ендорфините ми растат, а крвта циркулира низ моите вени“.
Во интервју за Вог таа откри и дека наутро се воздржува да не гледа во телефонот. Не го користи првиот час по будењето.
„Тоа прави голема ментална разлика што влијае на целиот ден. Полначите ги чувам во фиока, на шест метри од креветот и имам малку стар Ајфон што го користам само за аларми и апликации за спиење“, објасни таа.
Генерално социјалните мрежи ги смета за токсични, па затоа се држи настрана од нив. Кога станува збор за козметички производи, таа не соработува со ниту еден бренд во кој нема доверба.
„Не сакам да бидам лице на нешто ако тоа не е дел од мојата секојдневна рутина. Тоа ми е многу важно“, рече таа.
