Дара Бубамара наводно веќе некое време „ја има фатено на пик“ помладата колешка Милица Павловиќ. Како што претходно пишуваа српските медиуми, Дара наводно во разговор со нејзините пријатели признала дека воопшто не ѝ се допаднал концертот на Милица во Белградската арена.
Милица Павловиќ сега ќе одржи серија концерти во рамките на турнејата „Кралица на југот 2“, а првиот од серијата е закажан на местото каде што сè започна, во Ниш. По тој повод пејачката разговараше со локалните медиуми, а меѓу другото, се осврна и на нејзиниот однос со Дара по наводниот конфликт што го имале.
– Од моја страна имаме добар однос. Се сеќавам кога имаше концерт во белградската арена, заедно гостувавме во емисија и ме замоли да го рекламирам нејзиниот концерт. Ќе го направев тоа дури и да не ме замолеше, ја поддржувам секоја личност што се осмелува да направи нешто такво. После тоа имаше некои чудни изјави од нејзина страна и тоа воопшто не ми беше јасно. Очигледно, така функционира шоу-бизнисот – изјави Милица за „Курир“.
