На снимањето на музичкото натпреварување „Пинкови ѕвезди“, имаше драма кога пејачката Зорица Брунцлик го напушти сетот на средина од шоуто. Имено, како што се наведува, причина за ова било однесувањето на нејзиниот колега Драгомир Деспиќ Десингерица, чии упади и провокации ја изнервираа пејачката до солзи.
Според очевидци од местото на настанот, Зорица во еден момент го изгубила трпението и побарала снимањето веднаш да се прекине.
Изворот додава дека сите членови на тимот застанале на страната на Зорица.
– Морам да кажам дека жената беше апсолутно во право. Десингерица е невозможен! Нема почит кон величината што ја претставува Зорица. Тој постојано ја прекинува, ја прекинува на средина од реченица, фрла работи по неа… Жената беше навистина потресена бидејќи не е навикната на таква комуникација – заклучува изворот за „Информер“.
