Српскиот популарен јутјубер Богдан Илиќ, попознат како Бака Прасе, мина низ тежок период во последните неколку месеци.
Тој реши да се повлече од Јутјуб сцената кога раскина со поранешната девојка Ања Благојевиќ, но и кога го прозваа на социјалните мрежи и го поврзуваа со самоубиството на младата јутјуберка Кика Ѓукиќ. Со месеци не објавува ништо на социјалните мрежи, а сега реши да им се обрати на своите следбеници и преку искрена исповед да каже низ каков пекол поминал изминатиот период.
– Прво сакам да ви кажам дека ми недостигате, особено контактот со вас затоа што се исклучив. Мислам дека ви должам објаснување зошто ме немаше и зошто нема да ме има – вака ја почна својата исповед Бака Прасе, па продолжи:
– Што се случи? Зошто исчезнав? Каде сега живеам? Дали повторно ќе снимам за Јутјуб? На овие прашања ќе се обидам да ви одговорам во следните неколку „стори“ објави.
„Психички многу ми влијаеше трагичната смрт на јутјуберката Кристина Кика Ѓуриќ. А веднаш потоа ме докрајчи разделбата од мојата сакана, фитнес инструкторката и инфлуенсерка Ања Блаа. Ања продолжи со својот живот не поради тоа што имаше многу сила по нашето раскинување, туку поради тоа што од ова заработува и нема друг избор. Не можам да тврдам дека никогаш повеќе нема да снимам, ќе го направам тоа доколку почувствувам, но сега е прерано за прогнози. Ви благодарам од срце за се“, напиша инфлуенсерот.
