Некои изјави на Шон Пен брзо се проширија на социјалните мрежи и станаа хит зашто многумина ги нарекоа смешни.
Во текот на интервјуто за The Independent за промоцијата на неговиот нов филм како режисер, Денот на знамето, Пен ги искажа своите размислувања за, како што вели, одредена „ароганција на белите американски мажи“ кои веруваат дека „американскиот сон што им е ветен, им следува“.
Шон Пен потоа го „елаборираше“ портретот на денешницата со изјавата дека има „отсуство на машко однесување“ во општество.
Актерот дополнително објасни:
„Јас сум меѓу оние кои веруваат дека мажите во американското општество се многу феминизирани. Мислам дека да се биде брутална или бесчувствителна личност или да се нема почит кон жените, нема никаква врска со машкоста, и никогаш немало врска. Но, не мислам дека, за да бидеме фер кон жените, треба да станеме жени“.
Шон Пен набргу го повтори овој свој став во друго интервју:
„Мислам дека мажите, барем што се однесува до мене, се прилично феминизирани. Има многу силни жени во мојот живот кои не ја гледаат мажественоста како знак на угнетување кон нив. Има многу, мислам, кукавички гени кои ги наведуваат луѓето да се откажат од фармерки и да носат здолништа“.
View this post on Instagram
На бројните интервјуа за промоција на новиот филм, Пен често се појавува во друштво на својата ќерка Дилан, која инаку глуми во филмот.
Според гласините, на Дилан ваквите смешни изјави на татко ѝ не ѝ биле секогаш пријатни.
