Актерката Кетрин Зита Џонс (49) и актерот Мајкл Даглас (74) оваа година прославија 19 години брак.
Познатиот актерски пар ги запозна нивниот колега Дени де Вито во 1998 година, една година подоцна тие се верија, а во 2000 година се венчаа.
Разликата од 25 години во бракот воопшто не им пречела да се препуштат еден на друг во уживањето и љубовта, но убавите брачни моменти ги разнишаа некои животни случувања кои и на двајцата им се случија.
На Мајкл Даглас пред неколку години му беше дијагностициран рак на јазикот, па Кетрин беше цело време покрај него во тешките моменти. Откако Мајкл се опорави, на Кетрин и беше дијагностицирано биполарно пореметување, па потоа Мајкл мораше да се грижи за неа.
Иако во тешките моменти во заедничкиот живот беа тука еден за друг, фановите ги шокираше веста за нивниот развод. Тие одлучија секој да тргне по својот пат, но Мајкл реши да ги поправи работите меѓу нив па после неколку месеци од објавата за развод, тие соопштија дека повторно се заедно.
На прашањето кој е нивниот совет за успешен брак, Мајкл одговори: „Да се живее ден по ден“.
– За вистинската љубов морате да се потрудите. Љубовта е извонредно чувство кое доаѓа од длабочината на душата. Не смеете да ја земете љубовта здраво за готово – изјави Мајкл.
Љубовта на Мајкл и Кетрин е потврда дека емоциите ги победуваат сите предизвици и проблеми.
