Легендарната листа на топ 500 најдобри песни на сите времиња на реномираниот музички магазин Ролинг Стоун е освежена за прв пат по 17 години – како и број 1 најдобрата песна на сите времиња.
Во 2004 магазинот „Ролинг Стоунс“ ја објави својата листа на 500 Најдобри Песни на Сите Времиња. Но, музичката сцена значително се промени во последните две декади, па Ролинг Стоун се одлучија да ја освежат оригиналната и да создадат нова „RS 500“ листа.
На врвот на листата се искачи безвременскиот хит на Арета Френклин од 1967 година „Respect“.
View this post on Instagram
Песната, која е всушност кавер на хитот објавен две години претходно од музичката легенда на соул музиката Отис Рединг, го освои првото место на листата откако беше најгласана меѓу 4000 песни од страна на над 250 изведувачи, артисти, композитори и важни личности од светската музичка индустрија.
View this post on Instagram
На втората позиција се најде песната „Fight the Power“ на Паблик Енеми, а третото место го зазема „A Change Is Gonna Come“ на Сем Кук.
View this post on Instagram
За безвременоста на музиката говори и фактот дека повеќе од половина од песните – дури 254 – кои се присутни на овогодинешната беа дел и од претходната листа. Во верзијата на листата „RS 500“ во 2004 година доминираа рани рок и соул нумери, додека новата едиција е поопфатна и отворена за нови хитови, и содржи повеќе песни во хип-хоп, модерен кантри, инди рок, латино поп, реге и рнб стил.
