Се чини дека музичките каталози на најпознатите светски имиња се продават ко алва. Брус Спрингстин, Боб Дилан, Стиви Никс, Пол Сајмон, Тина Тарнер, па сега и Стинг, пишува „Washington Post“.
Што точно продаваат овие музичари?
Прво, важно е да се разбере дека за повеќето песни, постојат две различни авторски права. Тука е композицијата на песната (аранжманот на музиката и текстот), а тука е и опипливото звучно снимање на музиката (познато како „мастер“).
Честопати, овие авторски права се во сопственост на различни субјекти бидејќи се создаваат два приливи на приходи, но исто така се бара од сопствениците на двете авторски права да потпишат каков било договор за лиценцирање на песната.
ЗОШТО ТОЛКУ ВРЕДАТ: Брус Спрингстин ги продаде правата на својата музика за 500 милиони долари
Зошто овие авторски права се толку вредни?
Компаниите кои ги стекнуваат и мастер снимките и композицијата на една песна ќе имаат многу полесно време со лиценцирање на песни. Компаниите плаќаат дебело за да ги стекнат и двете. Спрингстин го продаде својот каталог на „Sony“ за околу 550 милиони долари. Компанијата, исто така, го стекна каталогот на Сајмон за околу 250 милиони долари.
„Стануза збор за многу низок ризик, многу безбеден, контонуиран готовински проток. Можете да заработите пари од навистина сè што музиката допира, без разлика дали е радио или стриминг, концерти, музика во бар или ресторан”, вели Џош Грас, основач на продукциска компанија.
(ВИДЕО) СТИНГ ГИ ПРОДАДЕ ПРАВАТА НА СВОЈАТА МУЗИКА: „Јуниверсал“ е новиот сопственик
Зошто баш сега?
Експоненцијалниот раст на услугите за стриминг и појавата на нови платформи кои користат музика (TikTok, Peloton, Metaverse) доведе до зголемени вреднувања на музичките каталози. Ова е инвестициско средство, чија вредност отиде само во една насока во последниве години рече.
Повеќето од овие аквизиции вклучуваат постари уметници чии кариери можеби забавуваат. Дилан има 80 години, како и Сајмон. Тарнер има 82. Спрингстин има 72 години; Стиви Никс има 73 години. Нил Јанг, кој продаде половина од својот каталог, има 76 години. „Да кажеме само дека нивните најпродуктивни и најисплатливи години на уметнички, креативни и економски достигнувања се зад нив“, вели Лари Милер, директор во училиштето „NYU Steinhardt“.
УШТЕ ЕДНА МИЛИОНСКА МУЗИЧКА ЗДЕЛКА: Боб Дилан го продаде целиот снимен музички каталот на Сони
