Веќе неколку месеци кружат гласини дека холивудската легенда Бред Пит е во врска со колешката Алија Шокат, а сега таа реши да открие каков е навистина нивниот однос.
Американската актерка и уметница Алија Шокат (31) конечно ја отвори душата и проговори за односот со холивудскиот актер Бред Пит, со кого ја поврзуваат во последите неколку месеци.
Алија неодамна во интервју за „Vulture” признала дали е во врска со Пит.
„Не сме пар, ние сме само пријатели”, открила актерката и додала дека не ѝ се допаѓа тоа што постојано е следена од страна на папараци.
„Сето ова ми е премногу. Имам чувство како да стојам гола во училишен ходник и сите гледаат во мене”.
Шокат истакнала и дека се дружела со Бред Пит и за време на карантинот, но помеѓу нив нема ништо друго освен пријателство и не развиле никакви емоции во љубовна смисла.
Извор близок до нив рекол дека Бред и Алија често се дружат бидејќи живеат близу еден до друг, како и дека се запознале преку заеднички пријател и веднаш се зближиле како пријатели.
