Најмладиот член на семејството Броснан се вика Парис (18). Тој е исто толку фасцинантен како татко му. Толку е згоден што супермоделката Наоми Кембпел го ангажирала да биде модел за нејзината хуманитарна ревија на Лондонската модна недела. Неговиот славен татко, Пирс, гордо аплаудирал од првиот ред.
На модната писта Парис бил во друштво на „ангелот“ од Викторијас Сикрет, Стела Максвел.
Пирс на настанот пристигнал облечен во стилот на Џејмс Бонд – црн елегантен костум, бела кошула, пеперутка-вратоврска и елегантни очила за сонце.
Ова не е прв ангажман на Парис во модниот свет. Претходно, тој бил модел и за Балмен, Ралф Лорен и Москино.
