Јапонската принцеза Мако, внука на царот Нарухито, планира да се омажи за своето долгогодишно момче Кеи Комура до крајот на оваа година и планира да одбие исплата од 1,3 милиони долари од јапонската влада.
Јапонската влада традиционално им плаќа на жените кои го губат својот кралски статус кога ќе се венчаат. Принцезата Мако ќе се откаже од кралските титули за да се омажи за Комура, бидејќи законот во Јапонија бара принцезата да го напушти царското семејство откако ќе се омажи за „обичен човек“.
Според странските медиуми принцезата планира да се пресели во Америка, каде нејзиниот иден сопруг има намера да работи во адвокатска фирма во Њујорк.
Двојката се запознала за време на факултетски настан во ресторан во Токио. И двајцата во тоа време биле студенти на „Меѓународниот христијански универзитет“ во Токио.
„Прво ме привлече неговата светла насмевка“, рече Мако во една прилика. Тие се вериле во 2013 година, по неколкугодишна врска на далечина.
Извор: „People“
