Михајло Максимовиќ е името на лицето кое е уапсено под сомнение дека изнајмувало станови за проституција на естрадни личности од Србија.
Основното јавно обвинителство на Србија започна истрага против него, под обвинение дека е вмешан во трговија со луѓе. Тој е притворен на 25 март оваа година, истрагата е во тек, а во моментов не е познат точниот број на оштетени луѓе.
Во моментот кога е уапсен, тој поседувал уредно водена евиденција за девојки за кои постои сомнеж дека ги подведувал на проституција, како и на клиенти кои ги користеле неговите „услуги“, пишува Еспресо.рс.
Тој наводно поседувал и изнајмувал станови во Белград, каде што елитните и ВИП клиентите ги носеле своите придружнички.
Како што дознава Курир.рс, во евиденцијата на Максимовиќ се пронајдени повеќе од 300 клиенти, меѓу кои и политичар од власта, но и поранешен кошаркар. Во списоците постојат и имињата на девојките и жените, хотелите и становите каде што се состанувале со клиентите, а уште поголем шок бил списокот со клиенти кои плаќале старлети, манекенки, стилистки и други познати женски личности од Србија.
