Модата и така постојано се враќа, а додека го осмислувате својот стајлинг, можете да погледнете и некои одлични филмови.
Џули Кристи како Лаура во „Don`t Look Now“
Напнатата бркотница по Венеција во кој главната актерка балансира на работ на нервен слом, облечена во уредни сакоа, здолништа од букле и кожни чизми е многу налик на колекцијата на Хеди Слиман за модната куќа „Селин“ за новата сезона.
Али Мекгроу како Џенифер кавалиери во филмот „Love Stroy“
Боемката Џенифер во седумдесеттите години на минатиот век ни ја долови љубовта на прв поглед, шетајќи во удобна облека – карирани здолништа, ролки, упадливи каиши и препознатлив капут. Нејзината естетика личи на комбинациите на познатите модни имиња како што се Ралф Лаурен и Томи Хилфигер, а тој капут и денес може да се пронајде во понудата на некои од брендовите.
Дајана Рос како Трејси Чемберс во „Mahagony“
Трејси е во филмот студентка по дизајн и во таа улога Дајана грациозно чекореше по улиците на Чикаго во чизми до колена и заминува во Рим да се занимава со мода. Стилот ѝ е ексцентричен – кимоно ракави, виолетови турбани, дамски шешири, свила, светки, деликатни марами околу вратот. Врвен минимализам како што го виделе и препознале Лемер и Џил Сандер во колекцијата за новата сезона.
