Легендарниот актер Шон Конери (Sean Connery), првиот Џејмс Бонд (James Bond), почина на 31 октомври во 90-та година од животот во семејната куќа на Бахамите. Неговата вдовица Мишелин (Micheline Roquebrune) (91) изјави дека неговата пепел ќе се растури во неговата родна земја Шкотска.
– Ќе го вратиме Шон во Шкотска (Scotland) – тоа беше неговата последна желба. Тој сакаше неговата пепел да се растури на Бахамите (The Bahamas) и во неговата родна земја – изјави Мишелин за „Scottish Mail on Sunday”.
Сопругата на починатиот Бонд изјави дека неговата последна желба ќе ја спроведе во дело кога тоа ќе и биде овозможено, бидејќи во моментов тоа е невозможно поради пандемијата на коронавирусот.
– Кога ќе биде можно и безбедно да патуваме повторно, тогаш намерата на семејството е да се врати со него во Шкотска – рече Мишелин, која беше во брак со Шон 45 години.
– Ние би сакале да организираме комеморација за него во Шкотска – тоа е нашата надеж. Но, не можеме да кажеме кога точно тоа ќе се случи тоа – изјави таа.
