Халима Аден има само 21 година, а веќе испиша значајна страница во историјата – таа се фотографираше за насловна страница на списание носејќи хиџаб наместо костим за капење.
Халима неодамна се фотографираше за списанието „Sports Illustrated Swimsuit“, кои често на својата насловна страница имаат згодни и разголени модели. Но, не и овојпат.
Халима потекнува од Кенија, а пораснала во бегалски камп. На своја седумгодишна возраст се доселила во САД. Таа тврди дека е една од ретките кои успеале во целост да го живеат американскиот сон.
За потребите на фотосесијата таа повторно се вратила во Кенија, каде станала емотивна поради спомените кои ја поврзуваат со родната држава.
Таа претходно учествуваше на изборот за Мис на Минесота, во 2016 година, носејќи исто така хиџаб.
