Даниел Крег во интервју за списанието „Кандис“ рече дека не планира да им остави наследство на своите деца кога ќе умре.
„Мојата филозофија е дека треба да се ослободам од сè пред да умрам. Не сакам да им оставам во наследство големи суми пари на идните генерации”, рекол Крег. Тој додаде дека мисли дека наследувањето пари е невкусно.
Според „CelebrityNetWorth“, моменталното богатство на актерот се проценува на 160 милиони долари.
View this post on Instagram
Инаку, Крег има 29-годишна ќерка Ела од првиот брак со актерката Фиона Лудон, а во септември 2018 година доби ќерка во вториот брак со актерката Рејчел Вајс, со која се ожени во 2011 година. Името на ќерката никогаш не беше објавено.
Ќе го гледаме британскиот актер по петти пат од крајот на септември во улогата на Џејмс Бонд во филмот „No Time to Die“.
