Поранешниот сопруг на Бритни Спирс, Џејсон Александер илегално упаднал на нејзиниот имот пред венчавката, а го измамил обезбедувањето со изговор дека пејачката го повикала.
Целиот упад Џејсон го снимил на Инстаграм, а додека ја барал пејачката успеал да стигне до нејзината спална соба каде што таа се подготвувала и која за среќа била заклучена.
Обезбедувањето на Бритни се обидело да го исфрли и повикало полиција, а само неколку дена подоцна сите до еден добиле отказ.
На Џејсон му е одреден притвор со кауција од 100.000 долари во очекување на судењето, а сега еден од членовите на обезбедувањето, кој ќе се појави како сведок, откри што се случило.
„Имаше нож со себе и стигна до нејзината спална соба“, рече тој.
Отпуштениот член на обезбедувањето рекол и дека Џејсон „се прикрадол на имотот“ и дека тој и неговите колеги успеале да го задржат до доаѓањето на полицијата која го уапсила.
Александер се изјасни дека е невин за прогонување и вандализам како и за упад на имот, додека друг сведок, детектив од канцеларијата на шерифот на округот Вентура, рекол дека „Александар се однесувал морничаво по апсењето“.
