Министрите за надворешни работи на Турција, Шведска и Финска во Мадрид потпишаа меморандум за разбирање и постигнаа договор за апликацијата за членство во НАТО на Шведска и Финска, на кое претходно Турција стави вето.
Memorandum of understanding signed between Turkey, Finland, Sweden along with NATO Sec-General. Stoltenberg to have a press conference soon. pic.twitter.com/FMNYlPgH2h
— Hümeyra Pamuk (@humeyra_pamuk) June 28, 2022
Потпишувањето се случи во присуство на генералниот секретар на НАТО, Јенс Столтенберг, турскиот претседател Реџеп Таип Ердоган, финскиот претседател Саули Ниинисто и шведската премиерка Магдалена Андерсон, на крајот од средбата која траеше речиси четири часа.
It’s OFFICIAL: NATO SECRETARY-GENERAL STOLTENBERG SAYS TURKEY HAS AGREED TO SUPPORT FINLAND AND SWEDEN’s NATO MEMBERSHIP pic.twitter.com/qSvGw4lwZ0
— Hümeyra Pamuk (@humeyra_pamuk) June 28, 2022
„Нашиот Меморандум за разбирање нагласува дека Финска, Шведска и Турција се посветени на взаемна поддршка една со друга земја против безбедносните закани меѓусебно. Кога ќе станеме сојузници на НАТО, оваа посветеност дополнително ќе се зајакне“, истакна претседателот на Финска, Саули Ниинисто, во изјавата објавена по средбата меѓу Финска, Шведска и Турција. „Конкретните чекори за нашето членство во НАТО ќе бидат договорени меѓу сојузниците на НАТО во следните два дена, но оваа одлука сега е неизбежна“, продолжи финскиот претседател.
„Имаме договор за влез на Шведска и Финска. Потпишаниот меморандум одговара на загриженоста на Турција за борбата против тероризмот и извозот на оружје“. Ова го изјави генералниот секретар на НАТО, Јенс Столтенберг, на прес-конференција во Мадрид, зборувајќи за „конструктивната средба“ денеска меѓу лидерите на трите земји. „Ниту еден сојузник не претрпел повеќе од Турција од бруталните терористички напади, вклучително и оние на ПКК“, претходно подвлече Столтенберг за време на самитот на НАТО во Мадрид.
Турција „го доби она што го побара“ од разговорите со Шведска и Финска за нивното членство во НАТО. Ова го соопшти турското претседателство, нагласувајќи дека добила „целосна соработка“ од Хелсинки и Стокхолм против ПКК и нејзините сојузници.
Here’s the trilateral memorandum #NATO pic.twitter.com/UqthZZcwfw
— Hümeyra Pamuk (@humeyra_pamuk) June 28, 2022
Самитот на НАТО во Мадрид може да се одвива сега оставајќи ја зад себе контроверзноста што ризикуваше да ја засени целата агенда на самитот. Закажана е прес-конференција на генералниот секретар на алијансата, Јенс Столтенберг.
