Костимите за капење се изработени од растеглив и издржлив, но во исто време и деликатен материјал и треба да ги третирате поинаку од обичната облека.
При купувањето, информирајте се за начинот на одржување и следете ги упатствата за перење на етикетите.
Ова се најчестите грешки кои речиси сите ги правиме со костимите за капење:
Предолго изложени на сонце
Доволно е што ги носите на плажа, но потоа, обидете се испраниот костим да го сушите на сенка, но на место каде има струење на воздух. УВ-зраците може да влијаат врз еластичноста.
Перење во машина
Избегнувајте вашиот костим да го перете во машина за перење. Најдобро е да го оставите да откисне во леѓен со млака вода и детергент, а потоа убаво да го исплакнете.
Избор на модел
За секој облик на тело постои и костим за капење кој ќе стои како да е кроен за него. На вас е да го најдете оној кој ви одговара, без разлика дали се работи за дводелен, едноделен, модел на врзување и т.н.
Носете резервен костим
На одмор секогаш носете барем два пара костими за капење. Ако се криете под чадор, многу побавно ќе се сушите, но и ќе можете едниот темелно да го исперете и да имате резервен, додека да се исуши.
