Мирјана Антоновиќ тврди дека судот во Белград пресудил оти пејачот Мирослав Илиќ е биолошки татко на нејзиниот син Девин Антоновиќ. По тој повод, новинарите го контактираа Мирослав Илиќ, кој не беше особено расположен да зборува на оваа тема.
– Немам никаков коментар и никогаш нема да имам на таа тема. За сè поврзано со тоа, обратете ѝ се на Мирјана – изјави Мирослав Илиќ по објавата на Антоновиќ дека официјално е потврдено оти Девин е негов син.
Да потсетиме, Мирјана Антоновиќ, поранешна љубовница на Мирослав Илиќ, објави на социјалната мрежа Фејсбук дека е донесена конечна пресуда во процесот за докажување на татковството на нејзиниот син Девин Антоновиќ, со која се потврдува дека Девин е биолошки син на пејачот. Мирјана им се заблагодари на сите за поддршката, иако не ја покажа судската пресуда.
– Само да ве известам, по толку години борба, победата е ваша и наша! Во право бевте кога рековте дека вистината на крај секогаш победува. Конечно сè е завршено. Апелациониот суд ја донесе конечната одлука. Требаше одамна, ама подобро подоцна отколку никогаш. (Тој закон итно треба да се смени.) Девин отсекогаш бил и конечно остана утврден како биолошки син на Мирослав Илиќ. Наложено е така да се впише во сите книги и документи. Ви благодарам што упорно, трпеливо и покрај сите лаги верувавте и бевте со нас. Уште еднаш им се заблагодарувам на сите пријатели за силата и поддршката. Мајката е најголема сила на овој свет. Ве сакаат многу вашите Мирјана и Девин – стои во објавата на Фејсбук.
