Српската пејачка Теа Таировиќ доживеала голема непријатност кога публиката фрлала јајца кон неа на концертот во Нови Пазар. Пејачката ја мавале со јајца од публиката среде концертот, кој го одржала по повод пласманот на фудбалскиот тим од Нови Пазар во европските квалификации.
Видеото се шири на социјалните мрежи, а како што понатаму се наведува, одредена група граѓани на Нови Пазар веруваат дека Теа шири блуд и неморал, поради што направиле скандал.
View this post on Instagram
Теа Таировиќ, како вистински професионалец, продолжила да пее и покрај нападите, а нејзиниот сопруг, со кого имаше гламурозна свадба пред помалку од еден месец, веднаш скокнал да ја заштити, пренесуваат српските медиуми.
Теа отпосле дала изјава за српски „Блиц“.
– Концертот во Нови Пазар беше величествен! Тоа беше ненормално позитивна енергија, што го потврдуваат бројни снимки. Сите пееја во еден глас, танцуваа – рекла пејачката, а потоа се осврнала на самиот инцидент.
– За жал, секогаш има некој бесен, лут, несреќен, поткупен или со скриени намери да се обиде да уништи нешто убаво! Личноста што фрлаше јајца на сцената, обидувајќи се да ме погоди и мислејќи дека со тоа ќе ме омаловажи, ужасно се излажала! Тој всушност го фрли тоа јајце врз сите прекрасни граѓани на Нови Пазар кои се собраа синоќа да го прослават успехот на нивниот фудбалски клуб, успехот на српскиот спорт, да уживаат и да пеат. Тој не успеа во својата намера! – заклучила пејачката за „Блиц“.
