Познатата пејачка Мијата повторно има нова песна. Овој пат станува за преработка на добро познатата „Бај Бај“, испеана во 1988 година на фестивалот „Макфест“ од групата „Бубамара“.
Музиката и текстот се на легендарниот Драган Каранфиловски – Бојс, додека пак новиот аранжман во кантри блуз стил го потпишуваат Дамир Пух, Наташа Миха Пух и Мијата. Усната хармоника ја свири Александар Пешевски, а слајд гитарите се на Дамир Пух.
– Ова е прв пат да преработам македонска песна, а токму оваа претставува за мене емоционален времеплов. Голема чест ми е што добив шанса да персонализирам песна на Бојс со својата интерпретација – вели Мијата.
Погледнете го видеото:
