Белата куќа е украсена во знакот на Ноќта на вештерките, а меѓу стотината тикви осветлени со свеќи, американската прва дама Меланија Трамп заедно со нејзиниот сопруг ги примија децата, и според старата традиција им поделија бонбони.
Меланија Трамп си остана доследна на својот стил и повторно беше оригинална со капутот како создаден за есен.
За прославата на Халуин првата дама на Америка одбра капут со своевиден маскирен принт. Зелена, кафена и црна боја се испреплетуваат низ геометриските фигури што е интересно отстапување од вообичаениот принт, а капутот е замисла на американскиот дизајнер Мајкл Корс.
Капутот чини 5.500 евра, а Меланија со него одлично ги искомбинирала салонките од црна кожа со потпис на Маноло Блахник.
