Американскиот бизнисмен Илон Маск изјави дека профилот на раперот Канје Вест повторно ќе биде блокиран на Твитер поради уште едно прекршување на правилата за поттикнување насилство. За ова Маск напиша на својот Твитер профил.
„Се трудев да дадам се од себе. Но повторно го прекрши нашето правило против поттикнување насилство. Профилот ќе биде блокиран“, напиша сопственикот на социјалната мрежа.
Претходно, Канје Вест во етерот на програмата InfoWars изјави дека му се допаѓа Адолф Хитлер. Во исто време, тој истакна дека луѓето „треба да престанат да ги осудуваат нацистите“. Тој изрази и чудење од тоа што не може да се каже нешто добро за човекот кој, според него, ги измислил „автопатот“ и „микрофонот“.
Минатиот месец, раперот твитна антисемитски објави кои се сметаа за директна закана за еврејската заедница.
