Пред неколку дена наполни 17 години. За оваа фото приказна, побаравме одобрување од нејзината мајка, бидејќи, Ива Цацкова од Штип, иако толку млада, впечатокот е дека со моделство се занимава години и години.
Почетоците во моделингот ги имала на само 14 години, преку фотографот МетоМакс, на кого му е благодарна. Тој ја инспирирал, ја насочил и ја фотографирал, и како што самата вели, преку него ги добила повеќето фирми за кои се фотографира.
Нашата штипјанка е трета година во гимназија, а хоби кое ја исполнува е фотографирањето и едитирањето на фотографиите.
Со нејзините 175 сантиметри висина и 56 килограми тежина, очите на кои никој не може да остане рамнодушен, ќе ни биде чудно доколку Ива не зачекори по светските модни писти.
Фото: Приватна архива
