Лепа Брена и во 58-та година изгледа еднакво добро и витко, како и додека беше млада.
Сепак, за тоа не е заслужна добрата генетика туку фактот дека пејачката се придржува до строги режими на исхрана и постојано вежба.
Во едно интервју таа откри на кој начин се храни во текот на летото и како ја одржува витката линија.
– Навечер јадам овесни снегулки со ленено семе, како и свежи малини и капини. Тоа ми стана рутина, изјави Брена и додаде.
– Кога сме на некоја марина на која нема многу гости, земам специјална гума и после утринското кафе практикувам јога. Тоа ми дава енергија и елан. Ги исфрлив млечните производи. Тоа е начин на исхрана кој ве прави посити, а не ви е надуен стомакот и не чувствувате тежина во желудникот.
Но пејачката не крие дека ужива во храната, а особено во морските плодови.
– Преку ден или навечер јадам риба со чаша добро вино – откри таа.
