Пејачката Адел (31) се појави на последниот концерт во склоп на повратничката турнеја на популарната поп-група „Spice Girls“, чиј е инаку голем фан. Меѓутоа, Адел не била повикана од групата на бината за заедно да ја испеат нејзината омилена песна.
Една од девојките Мел Си (45) открила како членовите на групата во договор одбиле заедно да пеат со Адел од страв дека ќе ги засени со нејзините гласовни спосбности.
– Слушнав некои гласини дека сакала да ја испее песната „2 become 1“. Одбивме, бидејќи кој би сакал да пее покрај Адел – рекла Мел Си.
– Не е тајна колку ги сакам и колку ме инспирираа да трчам по животот и никогаш да не гледам назад – рекла во една прилика Адел за нив.
– „Spice Girls“ последен пат ги видов на Вембли стадионот пред 21 година. Вечерва сум со моите најдраги и плачев, па се смеев, танцував и се заљубив во десетгодишната во мене. Конечно ја запознав Гери, се напив со девојките и не можам да верувам дека колку далеку сум стигнала. Благодарам за ова лудило кое го живеам, не би го можела тоа без вас, пет британски легенди. Ве сакам вас – напишала Адел на Инстаграм.
