Убавиците се викаат Ангела Ѓоргиева, Бојана Нушкова, Евгенија Ризова, Маја Андоновска Илијевски и Катерина Кузмановска. Тие се петте девојки во филм.
Станува збор за мултимедијален едиторијал за колекцијата „Три“ на модниот дизајнер Папаз.
-Оваа колекција претставува симбиоза на стилови од западни и источни култури, претопени во модна силуета адаптирана на нашето поднебје. Изобилува со елеганција и носливост, вбројува блузони и капути со кимоно и ранглан ракави, здолништа и панталони во широк крој и вечерни фустани. Токму овие пет дами ги избрав да бидат дел од овој мултимедијален едиторијал со една цел – моќно да ја пренесат пораката, ни рече Папаз.
Додека вие уживате во фотогалеријата, ние да ве потсетиме дека „Слободен печат“ секогаш ќе ја поддржува работата на македонските креатори. А јавните личности, особено политичарките кои нè претставуваат во светот, секој ден ќе ги потсетуваме да ја промовираат македонската креативна индустрија преку тоа што го носат.
