40 годишниот тенисер Роџер Федерер треба повторно да го оперира десното колено и нема да биде активен на тенискиот терен, како што вели, „многу месеци“, но сепак, не мисли целосно да се повлече.
Роџер Федерер треба повторно да го оперира десното колено и ќе отсуствува „неколку месеци“. Тој самиот ја објави оваа вест со видео постирано на Инстаграм во кое објаснува, обраќајќи им се на своите фанови, дека повредата здобиена по Вимблдон е посериозна од очекуваното.
„Сакам да ве известам за она што се случува. Не беше лесно – вели тој -, имав неколку докторски посети и медицински консултации за моето колено и ова не е начин да продолжам понатаму. Ми треба уште една операција и решивме да го направам тоа“.
View this post on Instagram
Ќе бидам надвор од тенисот неколку месеци, додава Федерер, ќе биде многу тешко, но сакам да се чувствувам добро и да си дадам мала надеж дека ќе ѝ се вратам на играта. Јас сум реалист, знам што значи уште една операција на моја возраст – вели Федерер -, но навистина сакам да се чувствувам добро и да продолжам да бидам активен. Ви благодарам на сите пораки што ми ги испративте, ви посакувам сè најдобро“.
