Интернет ѕвездата се соочила со многу сурови коментари на социјалните мрежи.
Инстаграм моделот Таму Хембров, која има 10,5 милиони следбеници, решила да го промовира својот моден бренд на Инстаграм, а во исто време и да донира пари за жртвите од пожарите во Австралија.
Меѓутоа, поради критиките кои следеле, таа била принудена да ја деактивира својата сметка.
„100% од заработката ќе ја донирам за катастрофалните пожари во Австралија“, напишала под објавата, а потоа го означила модниот бренд кој го рекламира преку социјалната мрежа.
Очигледно неразмислувајќи за последиците, манекенката се соочила со ужасни критики од луѓето кои ја осудиле поради оваа постапка.
„Се рекламираш на Инстаграм додека твојата земја гори. Наместо да промовираш еколошка свест, ти се промовираш себе“, гласи еден од коментарите.
„Ти си од Австралија? Зарем не би требало да мислиш на нешто друго освен само на твојот изглед?“, ја запрашал еден корисник на Инстаграм.
Иако Тами брзо реагирала и ја деактивирала својата сметка, во обид да спречи и понатака огорчени коментари, копија од фотографијата на која позира во долен дел од бикини и бела маица, била објавена на нејзината фан страна.
Манекенката подоцна повторно ја активирала сметката, а потоа објавила тажно видео од коали позади кои се наоѓа огнената стихија.
