Денес на социјалните мрежи омилениот актер и шоумен на многу генерации Игор Џамбазов се прости од својот татко, нашиот маестрален композитор и диригент Александар Џамбазов.
Маестро Џамбазов завршил музичка академија во Белград, а целиот работен век го минал во Македонската радио-телевизија, како диригент на Танцовиот и Ревискиот оркестар.
View this post on Instagram
Има реализирано безброј снимки и концерти во живо. Настапувал во земјава и во странство. Добитник е на над педесетина награди. Се категоризира во четвртата генерација македонски повоени композитори.
View this post on Instagram
Џамбазов е автор е на голем број детски песни. Беше иницијатор и долгогодишен диригент на фестивалот за деца „Златно славејче“ во Скопје. Пишувал сценска музика и филмска музика („Мементо“, за драмите „Мајка“, „Двајца на нишалка“ итн.) и повеќе дела од класичната музика, меѓу кои и „Рапсодија за Скопје“ – за пијано и оркестар (1966), „Седум танцови варијации“ – за пијано и оркестар (1977) и др. Компонирал и хорски композиции, како и голем број популарни мелодии.
По Игор и неговата сестра Тања, се огласи и Илина Арсова која на својот инстаграм – профил објави фотографија од првата средба со маестро Џамбазов.
View this post on Instagram
„Ние вака ќе си се памтиме, насмеани и ведри, а Маестро секогаш спремен со неисцрпна колекција на анегдоти и вицови. Вечна ти слава, еден и единствен Маестро Џамбазов“.
