Младата сплитска музичарка, која изминативе недели, секако несакајќи, стана најпозната трудница и идна невеста на Балканот, денеска ја објави својата нова песна на англиски јазик наречена „Colors“ и, судејќи по коментарите кои ја следеа песната на нејзиниот Јутјуб канал, но и на социјалните мрежи, слушателите се импресионирани.
„Мислев да напишам коментар, но ме маѓепса текстот. Ова е толку моќно. Како да слушам некој странски хит од 80-тите. Секоја чест“.
„Браво“
“Прекраснооо, ангелски глас. Се надевам дека еден ден општеството ќе се разбуди и ќе почне да ги цени ваквите вистински пејачи”.
„Убаво и смирувачко“
„Браво Хана“ …. – се дел од напишаните коментари.
Инаку, Хана Хуљиќ е магистерка по композиција и музичка теорија. Сепак, јавноста не ја знае многу по настапите, а најзначаен нејзин настап бил дуетот со Петар Грашо „Срце за водича“, кој всушнот и го освои нејзиното срце, а наскоро ќе ѝ биде и сопруг.
