Некои американски славни личности почнаа да зборуваат за своите хигиенски навики во интервјуата, откривајќи дека тие навистина не го сакаат секојдневниот туш.
Последниот во низата кој изјави дека не се бања често, беше Џејк Гиленхал, а пред него беа Кристен Бел, Ештон Качер и Мила Кунис.
Инаку, Гиленхал е прочуен по филмови „Brokeback Mountain“, „Donnie Darko“ и „Nightcrawler“. Во интервју за „Vanity Fair“, актерот ги објасни своите мотиви за (не)туширањњето:
„Мислам дека не е потребно да се бањате премногу често“. Потоа додаде дека честото туширање ѝ штети на кожата, ама тука ја вмеша и животната средина – однсоно дека нетуширањето на луѓето ја заштитува животната средина.
Ваквата „еколошка кауза“ на Џејк наоѓа поддршка и кај други ѕвезди. Меѓу првите кои изјавија дека не го сакаат баш бањањето беа парот Мила Кунис и Ештон Качер. Во еден подкаст на Дак Шепард, Мила Кунис призна:
„Немав топла вода како дете, така што никогаш не се туширав многу. Со моите деца, го правам истото. Не ги мијам често. Јас не се бањам често. Не бев ниту таков родител кој опсесивно ги капе малите деца или бебиња. Речиси никогаш не ги бањав “.
А, Ештон Качер потоа додаде: „Еве нешто да кажам: ако видите нечистотија, исчистете ја. Инаку нема смисла да чистите нешто што е чисто”.
Кристен Бел пак, исто така си призна дека сака мирис „на природата“. Тоа го призна во емисијата на нејзиниот вереник Дакс Шепард со зборовите дека едвај го чека моментот кога тој мириса на испотено.
