Велигденската фотографија на Констракта предизвика лавина коментари, бидејќи обликот на масичката потсетува на буквата „З“ (Z) и тоа „не може да биде случајно“, велат гневните корисници на Твитер, поради што целата дискусија отиде чекор подалеку – па сега се вклучени меѓународни фанови на Евровизија кои го тагираат официјалниот евровизиски профил.
View this post on Instagram
„Еј Евровизија, го видовте ли ова? Изгледа како знакот за „деназификација“ на Путин, нели? Случајност? Не“, гласи еден од твитовите што го одбележаа официјалниот профил на Евровизија.
View this post on Instagram
Ваквиот твит не е изолиран случај.
Hey @Eurovision, have you seen this? Looks a lot like putin’s “denazification” symbol, doesn’t It? Coincidence? Nah. pic.twitter.com/cFRFhPJPXd
— 2020 (@dvehiljade20) April 24, 2022
Во морето од други коментари, Констракта се нарекува „путинофил“ и „русофил“, а корисниците на Твитер бараат нејзино исклучување од Евросонг. Има и такви, пак, кои наведуваат дека се работи за „злонамерност“ и дека секоја поврзаност со буквата „З“ е навистина случајност.
Zvanična fotka Radiotelevizije Zrbije za predstavnici na Eurosongu. Z stolići su dio folklora ili? pic.twitter.com/9s3tGwTWs2
— Kemal S. Beganovic🇺🇦 (@KemalSBeganovic) April 25, 2022
Инаку, оваа буква се користи за да се означат руските воени возила во текот на војната во Украина поради што често ги истакнуваат оние кои ја поддржуваат Русија во овој конфликт.
Тоа ги поттикнало гласините дека Констракта и РТС испраќаат јавна поддршка до Русија, а Јавниот сервис веднаш издал соопштение по тој повод.
„Радио Телевизија Србија остро ги осудува непримерните инсинуации од некои поединци на социјалните мрежи, дека фотографиите од нашата претставничка за Песна на Евровизија, поради тоа што потсетуваат на буквата „Z“ воедно претставуваат „поддршка на руската војска во текот на војната во Украина“. Одлучивме да демантираме било каква слична намера и сметаме дека злонамерните доведувања во врска со нашата претставничка со актуелната политичка ситуација во светот се лоши. Масичките на фотографијата повеќе од три години се користат за потребите на нашите емисии, а во овој случај искористени се за фотографирање. Бесмислено е на тој сценографски елемент да му се дава друга смисла, а во некои случаи и злонамерно. Оригиналниот настап и појава на претставничката на Србија ја интригира не само нашата туку и светската јавност, љубовта кон човекот и животот“, се нагласува во соопштението.
