Компанијата Тесла Моторс, чиј сопственик е милијардерот Илон Маск, се обратил до новосадскиот производител на минерална вода со барање за соработка која би опфатила купување на поголем дел од производството, известуваат српките медиуми.
Според срспки мондо.рс, станува збор за компанијата Минаква – производител на минерална вода богата со јод.
Веста ја потврдила и директорката на Минаква, Сања Бјелица: „Точно е дека Тесла не контактираше и покажа интерес, но контактираше и со неколку други производители во Европа кои имаат вода со природен јод. Во моментов подготвуваме примероци и анализи кои ќе ги испратиме во Калифорнија. Не сме заинтересирани за продажба, но ќе понудиме некои количини. Повеќе детали ќе знаеме за неколку недели“, изјавила Бјелица, а пренесува мондо.рс.
Јодот е стратешки производ и освен што му користи на организмот, го штити од радиоактивност. Во ретките минерални води, се наоѓа во природна органска форма, што е уште повредно на пазарот од јод во таблети. Јодот е важен и за дезинфекција на водата за долготрајни мисии во вселената.
