Пејачката Емина Јаховиќ веќе 12 години живее и работи во Турција, каде основаше семејство и запозна голем број пријатели по заминувањето од Србија.
Иако и понатака живее на релација Белград – Истанбул, популарната пејачка не крие дека во Турција и е потешко отколку во Србија во однос на меѓучовечките односи.
Емина за ова раскажа во емисијата на Сања Маринковиќ, „Магазин Ин“.
– Искрено имам многу работи искусено на своја кожа, но имам и некој вид на одбрамбен механизам. Да не бев таква, многу ќе патев. Многу сум емотивна иако така не делувам на телевизија. Тие кои ме знаат и ја следат мојата музика, гледаат дека сум емотивна и правам еден вид на ѕид со кој се обидувам да се одбранам, но тоа навистина ме погодува“, изјави пејачката и додаде:
– Живеам во Турција веќе 12 години, има извонредна доза на завист и љубомора, малку е поразлично … Таму е полошо отколку тука, дефинитивно е“, заклучи Емина, која за време на својот престој во Белград ја претстави својата нова линија Yaemina Beauty .
