Елтон Џон имаше несреќа поради која мора да ја одложи турнеја низ Европа наречена „Farewell Yellow Brick Road“.
„На крајот на летниот одмор, незгодно паднав на тврда површина и оттогаш чувствувам значителна болка и непријатност во колкот. И покрај физичкиот и специјалистичкиот третман, болката се влоши и доведе до поголеми потешкотии при движењето”, објасни Елтон во објава на „Твитер“.
Important update on my Farewell Yellow Brick Road Tour.#EltonFarewellTour pic.twitter.com/qyPY2H0t9k
— Elton John (@eltonofficial) September 16, 2021
„Бев советуван да одам на операција што е можно поскоро за да се вратам во форма и да се уверам дека нема долгорочни компликации. Ќе одам на интензивна програма за физиотерапија која ќе ми обезбеди целосно закрепнување и враќање во целосна подвижност без болка“.
И покрај болката што ја чувствува, Елтон Џон ќе настапи на 25 септември на добротворниот настан „Global Citizen“.
„Не сакам да изневерам добротворна организација. Бидејќи имам само пет песни за изведување, тоа е многу поинаков физички потфат отколку да свириш скоро три часа секоја вечер на турнеи и ноќни патувања од земја во земја”, вели музичарот.
View this post on Instagram
Турнејата низ Европа би требало да се одржи во 2023 година.
