Славната холивудса актерка Џејми Ли Кертис на социјалните мрежи се пофали дека го примила „најслаткиот подарок“, објавувајќи фотографија од Мед кој и го подарила Атиџе Муратова, ѕвездата од македонскиот документарец „Медена Земја“.
Џејми Ли Кертис од порано изрази големо воодушевување од „Медена земја“, а сега напиша дека медот ќе го подели рамноправно – „половина за мене, половина за нив“.
„Изненадување. Подарок кој продолжува да дарува. Директно од изворот. Мед од медената земја. Атиџе ми остави тегличка. Ветувам „половина за мене, половина за нив“. Во овој случај кои се моите „нив“? Најслаткиот подарок и длабока приказна. Ако не сте го гледале ‘ „Медена земја“, задолжително направете го тоа“, напиша 61-годишната актерка на својот Инстаграм профил.
Корисниците на Инстаграм и посакаа добар апетит на актерката, и исто така го изразија своето изненадување од уникатниот подарок.
