Она за што речиси и не размислуваме е тоа дека некои од познатите личности се врсници. Факт е дека некои личности повеќе се грижат за својот изглед па изгледаат неколку години помлади, но од друга страна, некои прерано починати ѕвезди ги паметиме како млади лица па ни е тешко да замислиме дека припадниците на нивната генерација се веќе стари лица.
Би можеле ли да ја замислите Мерлин Монро на 92 години?
Мерлин Монро почина на 37 години и остана во светот запаметена како вечна икона на убавината. Денес таа би имала 92 години, токму како и кралицата Елизабета. Да, добро прочитавте! Кралицата Елизабета и Мерлин Монро се родени иста година – 1926 година. Кралицата Елизабета е постара околу месец и половина од Мерлин.
На горната фотографија го гледаме моментот кога тие две се запознаа. Беше тоа во 1956 година, кога и двете имаа по 30 години, а запознавањето било на инсистирање на кралицата. На видото подоле можете да го погледнете тој историски момент.
