Фолк пејачката Хана Хорка на социјалните мрежи се доверила дека намерно се заразила со вирусот за да не прими вакцина против ковид и да се врати во нормален живот. Но, таа починала.
Хана доброволно побарала да се зарази со ковид вирусот, за да се врати во живот. Но, сепак, се сретнала со смртта. 57-годишната пејачка на Фејсбук се доверила дека се заразила со вирусотна свесен начин за да не мора да ја прими вакцината. „Животот е тука и за мене и за вас“, напишала таа во објавата и ги поканила своите следбеници да го сторат истото.
На веб-страницата на Асонанс, чешката фолк група во која членувала Хана Хорка, се појавува кратка порака за збогување – некролог во кој не се наведени причините за ненадејната смрт на пејачката. Но, затоа пак, нејзиниот син, уметникот Јан Рек, „вресна“ на социјалните мрежи со пораката „Мајка ми сакаше да се разболи за да добие ковид-пропусница“, напишал Рек.
Претходниот коментар, инаку, на Рек бил избришан од него самиот, а бил гневен и гласел дека ги презира антиваксерите и теориите кои ја убиле неговата мајка на 16 јануари.
View this post on Instagram
Пејачката Хорка не била вакцинирана, нејзините колеги ја помнат како весела и позитивна. „Ужасно е тажно да се види како дури и веселите и позитивни луѓе можат да подлегнат на бесмислени глупости за да имаат своја верзија за науката. Беше среќна на позитивноста на нејзините од семејството, беше среќна што се зарази и си замислуваше розова иднина“, коментирал нејзиниот колега на Фејсбук, музичарот Мирослав Хлавичка.
