Анџелина Џоли направи интервју и фотосесија за модното списание Harper’s Bazaar, кои списанието ги сподели со своите фанови на Инстаграм.
Фотографиите ја орикажуваат Анџелина во едно поинакво издание во какво одамна не сме ја виделе. На една глумицата на себе не носи ништо друго освен провиден вел, а на друга позира од глава до пети прекриена со проѕирна црна мрежа, под која носи само градник и гаќички.
Анџелина во интервјуто се опишала како „дива во срцето“ и „немирна“, открила дека сака да се пресели во странство и дека Бред Пит не се притивел на тоа.
„Би сакала да живеам надвор, а тоа ќе го направам штом моите деца ќе наполнат 18 години. Во моментов мора да бидам во близина на нивниот татко“, рекла глумицата.
Исто така рекла дека минатите години поминала низ многу работи и дека носи видливи и невидливи лузни.
„Потешко ми е да се справам со оние невидливите. Животот носи многу промени. Понекогаш тоа боли, а понекогаш гледаш како ги боли оние што ги сакаш и не можеш да бидеш онолку слободен колку што твојот дух бара. Сега чувствувам како крвта ми се враќа во телото“, открила Анџелина.
