Едно погребално претпријатие од Русија најмило разголени манекенки да танцуваат околу ковчезите за да ги промовираат нивните услуги, а огласот предизвика шок и негодување на социјалните мрежи.
Погребалното претпријатие „Хороним“ се соочува со ужасни реакции поради одлуката да ангажира оскудно облечени девојки за промовирање на погребни услуги „за сите категории граѓани“ на Инстаграм и ТикТок.
Видеото што го објавија на социјалните мрежи беше означено како „невкусно и навредливо“, а прикажува жени во долна облека како позираат со ковчези. Едната од девојките скокнува во ковчегот и се превиткува, додека другата ја става ногата на него и се гали пред камерата.
Видеото е прегледано стотици илјади пати на TikTok и Instagram откако беше објавено на 21 јануари.
„Ужасно е. Полуделе“, „Не е ли ова богохулење? Јас мислам дека е“, „Зошто ни се потребни голи жени за да рекламираат нешто толку приватно и мрачно?“, „Вистински ужас е што луѓето ги изгубија сите граници.“ „Светот полуде“, се само дел од коментарите на запрепастените корисници.
