– Под влијание на МНОГУ ТОПЛАТА воздушна маса од Африка, и во следните денови времето во Македонија ќе се задржи МНОГУ ТОПЛО и сончево со мала локална облачност. Сепак во попладневните и во вечерните часови локално ќе биде нестабилно со пороен дожд, грмежи и засилен ветер. Локално ќе има услови за повторна појава на КРАТКОТРАЈНО НЕВРЕМЕ, проследено со интензивен пороен дожд, силен ветер, силни и чести електрични празнења и со појава на град. Температурите ќе се искачуваат во интервалот од 31 до 39 степени, но поради релативно високата влажност во воздухот истите ќе се чувствуваат како да се повисоки од реално измерените. Ув – индексот и понатаму ќе има ЕКСТРЕМНО ВИСОКА вредност и ќе изнесува коефициент некаде околу 10. И во Скопје и околината и понатаму во следниот период ќе биде МНОГУ ТОПЛО. Сепак во попладневните и во вечерните часови ќе има услови за локална појава на нестабилност а температурите ќе се искачуваат во интервалот помеѓу 35 и 36 степени.
Освежување на времето и пад на температурите се очекува од 8 јули па натаму, но околу ова детални информации следуваат понатаму во следните неколку денови.
