Модерните времиња носат и модерни промени кога е во прашање негата, но некои ритуали останале да се применуваат и со векови.
Многу козметички брендови користат состојки и рецепти според древни записи и активно ги произведуваат и вклучуваат во своите линии на производи. Ова се некои од нив:
Масло од роза (Турција)
Турчинките имаат нега базирана на природни и органски производи. Маслото од роза отсекогаш било скапо, а тие го додавале во кремите за нега и во водата за капење. Се верува дека помага за решавање на сите типови проблеми на кожата, а особено се препорачува за секојдневната нега над 30 годишна возраст.
Креми за раце (Франција)
Традицијата на нега на дланките потекнува од Франција и ја применувала и Марија Антоанета, за која лекари специјално произведувале формула за нејзе. Таа имала и вработени козметолози кои се грижеле исклучиво за нејзините дланки.
Сауна (Финска)
Финските сауни настанале како начин за борба против прекумерна тежина, болести на нервниот систем и намален имунитет. Се покажало дека престојот во финска сауна му овозможува на телото брзо согорување калории.
Куркума (Индија)
Куркумата е одлична и како зачин, но и како козметичко средство, бидејќи има антигабични и антисептички својства. Се покажала како ефикасна во борба против акните и првутот.
Акупунктура (Кина)
Акупунктурата е метод стар околу 2000 години, кој се покажал ефикасен во лечењето астма, главоболки и проблеми со грбот. Исто така помага и кај луѓето кои неконтролирано се прејадуваат, помагајќи им да воспостават нормален циклус на исхрана.
